14 Mars 2025

Analisti Fatos Lubonja bëri sot një koment lidhur listat e kandidatëve për deputetë që partitë politike prezantuan dje.

I ftuar në emisionin “Open” në News 24 Lubonja u ndal te lista e PD-së dhe te ajo e PS-së.

Lubonja tha se lista e PD-së është e bazuar në besnikëri, pasi sipas tij kreu i PD, Sali Berisha mbart trauma nga e kaluara.

Për sa i përket listave të PS, Lubonja tha se Rama ka futur në lista kandidatë deputetë “zero me xhufka”.

Lubonja: Lista e PD është një listë e bazuar mbi besnikërinë , mbi problemin që ka Sali Berisha me besnikërinë se ka traumën që ka kaluar më herët. I duhen njerëz besnikë të tij, ndërsa Rama rrit edhe më shumë atë që unë jam këtu, unë i mjaftoj shqiptarëve. Sepse të tjerët sipas tij janë zero që rrisin numrin e tij. Dikur ishte je zero me xhufkë, ca ju ka rënë xhufka dhe i ka nxjerrë dhe ka marrë ca zero me xhufka tjera, njerëz pa vesh, pa sy dhe pa goje. Kështu i duhen atij.